پەرلەمانی ئێران دەست لەکار کێشانەوەی “عەبدولکەریم حسێن‌زادە” نوێنەری شارەکانی شنۆ و نەغەدەی پەسند کرد بۆ ئەوەی بتوانێی پۆستی جێگری سەرۆککۆماری ئێران وەربگرێت.
لە کۆبوونەوەی ئەمرۆی پەرلەمانی ئیراندا، بۆ جارێکی دیکە دەستلەکارکێشانەوەی عەبدولکەریم حسێن‌زادە خرایە دەنگدانەوە و دەنگی پێویستی بەدەست هێنا. بەم جۆرە حسێن‌زاده، دەبێتە یەکەم کوردی سوننە پۆستی جێگری سەرۆککۆماری ئێران وەردەگرێت.
حسێن زادە لە لایەن مەسعوود پزیشکیانەوە وەک جێگری سەرۆککۆمار بۆ پەرەپێدانی گوند و ناوچە بێبەشەکان دەستنیشان کرابوو، بەڵام ئەندامانی پەرلەمان لە یەکەم دەنگدانیاندا لەسەر دەستلەکارکێشانەوەی ئەم ئەندام پەرلەمانە کوردە، داواکەیان ڕەت کردەوە و ڕێگه‌یان لەوە گرتبوو ئەم پۆستە وەربگرێت.
