zagros news agency

هەرێمی کوردستان و هەرێمی مۆرسیای ئیسپانیا پەرە بە پەیوەندییە گەشتیارییەکان دەدەن

لە پەراوێزی کار و چالاکییەکانی 51ــەمین پێشانگەی نێودەوڵەتیی گەشتیاری (FITUR)، لە مەدریدی پایتەختی ئیسپانیا، دەستەی گەشتوگوزاری وەزارەتی شارەوانی و گەشتوگوزار بە سەرۆکایەتیی ئەمەل جەلال، سەرۆکی دەستەی گەشتوگوزار، بە یاوەری ڕاوێژکاری یاساییی وەزارەتی شارەوانی و گەشتوگوزار و بەڕێوەبەری گشتیی گەشتوگوزاری ئیدارەی سەربەخۆی سۆران، لەگەڵ دارەوان حاجی حامید، نوێنەری حکومەتی هەرێمی کوردستان لە ئیسپانیا، بە ئامانجی بەبازاڕکردن بۆ گەشتوگوزاری هەرێمی کوردستان و ناساندنی وەک ڕووگەیەکی گەشتیاری، لەگەڵ وڵاتان و کۆمپانیاکانی بەشداربوو لە پێشانگە کۆبوونەوە.

لە کۆبوونەوەیەکدا لەگەڵ خوان باستیا، نوێنەری کۆمپانیاکانی هەرێمی مۆرسیا لە ئیسپانیا، ئەمەل جەلال بەوردی تیشکی خستەسەر کەرتی گەشتیاری لە هەرێمی کوردستان و ئاماژەی بەوە دا کە کوردستان خاوەن بنەمای بەهێزی گەشتوگوزارە و بۆ ژمارەیەکی زۆر لە جۆرەکانی گەشتوگوزار گونجاوە، هاوکات ئامادەبووانی ئاشناکرد بەو ئاسایش و تەناهی و گیانی میواندۆستییەی کە لە کوردستان هەیە.

هەردوولا هاوڕابوون لەسەر پێویستيی دروستکردنی پردی پەیوەندی لە نێوان کۆمپانیا گەشتیارییەکانی هەرێمی کوردستان و هەرێمی مۆرسیا بە ئامانجی برەودان بە پەیوەندییە گەشتیارییەکان.

هەواڵی پەیوەندیدار

سه‌رچاوه‌یه‌كی باڵا بۆ زاگرۆس: ئه‌مرۆ رێباز حه‌ملان به‌فه‌رمی ده‌ست به‌كارده‌بێت سبه‌ی كۆبوونه‌وه‌ی فه‌رمی له‌ناو وه‌زاره‌ت ده‌بێت

سەڵاح

پەرلەمانتارێكی عێراق: پەكەكە بازگەی لە سنووری پێنجوێن داناوە

یاسین

سەرۆکی ڕووسیا کوژرانی خامنەیی بە “کوشتنی بێبەزەییانە” وەسف کرد

یاسین