zagros news agency

لە کەلار منداڵێکی شەش ساڵان کوژرا

 

علی جەمال قدووری، گوتەبێژی پۆلیسی گەرمیان بڵاوی کردەوە، ئەمشەو لەگەڕەکی بەردەسوری قەزای کەلار، تەرمی منداڵێکی شەش ساڵان بەناوی ( لانۆ سرود سەعدون ) براوەتە نەخۆشخانەی شەهید هەژار کەبەهۆی بەرکەوتنی فیشەکەوە گیانی سپاردبوو.

بە گوتەی باوکی  منداڵەکە، کاتێک منداڵەکە لەکۆڵان یاری کردووە، ئاگادارکراوەتەوە کەمنداڵەکەی فیشەکی بەرکەوتووە.

گوتەبێژی پۆلیس ئاماژەی بەوەش کرد، دەست بەجی پۆلیس و تیمی کامیرامانی بەشی پۆلیسی کەلار چونەتە شوێنی ڕوداوەکە، دوای لێکۆڵینەوە و بەدواداچوون دەرکەوت، منداڵێکی 10 ساڵان دەمانچەکەی باوکی کە کارمەندی هێزە ئەمنیەکانە دەهێنێتە کۆڵان و فیشەک بەو منداڵەوە دەنێت پاش گەیاندنی بەنەخۆشخانە گیان دەسپێرێت.

لەئێستادا منداڵەکە و باوکی منداڵەکە کەتاوانەکەی کردووە دەستگیرکراون و بەبڕیاری دادوەرو بەپێی ماددەی ( 405 ) بەندکراون لێکۆڵینەوە لەڕووداوەکە بەردەوامە.

هەواڵی پەیوەندیدار

سبەى شاندێکى فەرمى حکومەتى هەرێم، بە سەرۆکایەتى ئومێد خۆشناو، دەگەنە شارى سنە

یاسین

د. نه‌هله‌ ئه‌فه‌ندی” حكوومه‌تی عێراق به‌رپرسه‌ له‌دابین كردنی مووچه‌ی فه‌رمانبه‌ران”

یاسین

سبه‌ی دانیشتنی ئەنجوومەنی پارێزگای کەرکوک ئەنجام ده‌درێت

سەڵاح