شانەی راگەیاندنی ئەمنیی عێراق ئێوارەی ئەمڕۆ ئەنجامدانی ئۆپراسیۆنێکی ئەمنیی لە دەرەوەی سنوورەکان راگەیاند کە بووە هۆی دەستگیرکردنی دوو ئامانجی گرنگ و داواکراو لەلایەن دادگای عێراقەوە لە باکووری رۆژهەڵاتی سووریا.
شانەکە لە راگەیەندراوێکدا ئاشکرای کرد: ئۆپراسیۆنەکە بە رێنمایی و بەدواداچوونی راستەوخۆی فەرماندەی گشتیی هێزە چەکدارەکان ئەنجامدراوە و لەلایەن پاڵەوانانی شانەی هەڵۆی هەواڵگری لە ئاژانسی هەواڵگری و لێکۆڵینەوەی فیدراڵیی سەر بە وەزارەتی ناوخۆ، لەڕێگەی هێزێک لەڕێگەی ئاسمانەوه جێبەجێ کراوە.”
بەپێی راگەیەندراوەکه: ئۆپراسیۆنەکە بە هەماهەنگی لەگەڵ هێزە ئەمنییەکانی سووریا و بە پاڵپشتیی تەکنیکی و پشتیوانی هاوپەیمانی نێودەوڵەتی بووە کە تێیدا دابەزینێکی ئاسمانی سەرکەوتوو لەناو خاکی سووریا ئەنجامدرا و داواکراوەکان بەپێی رێکارە یاساییەکان دەستگیرکران.”