چل و هەشت وڵاتی جیهان لە راگەیاندراوێکی هاوبەشدا هێرشی کۆماری ئیسلامیی ئێران بۆ سەر ئیسرائیلیان شەرمەزار کرد
نوێنەرانی 48 وڵاتی جیهان لە ڕێکخراوی نەتەوەیەکگرتووەکان بە بڵاوکردنەوەی ڕاگەیاندراوێک هێرشی درۆنی و مووشەکیی ئێران بۆ سەر ئیسرائیلیان شەرمەزار کرد و جەختیان کردەوە ئەم هێرشە دوایین نموونەی کردەوە مەترسیدارەکانی ئێران و میلیشیاکانی سەر بەم وڵاتە بۆ ناسەقامگیرکردنی ناوچەکەیە و هەڕەشە لە ئاشتی و ئاسایشی نێودەوڵەتی دەکات.
واژۆکەرانی ئەم ڕاگەیاندراوە دەڵێن ئەم هێرشە بەربڵاوە دەیتوانی ببێتە هۆی زیانگەیاندنێکی بەرچاو بە هاووڵاتیانی ئیسرائیل و سنووری ئاسمانیی چەند وڵاتی ناوچەکەی پێشێل کردووە و گیانی خەڵکی ئەم وڵاتانەی خستووەتە مەترسییەوە.