مەجید تەخت ڕەوانچی، جێگری وەزیری دەرەوەی ئێران، لە بەرەبەری گەڕی سێیەمی دانوستانە ئەتۆمییەکان لەگەڵ ئەمریکا ڕایگەیاند: “ئامادەین هەرچی زووترە بگەینە ڕێککەوتن و هەر کارێک پێویست بێت ئەنجامی دەدەین بۆ ئەوەی ئەمە ڕوو بدات.”
تەخت ڕەوانچی سەبارەت بە ئەگەری هێرشی سەربازیی ئەمریکا وتی: “بە لای ئێمەوە ئەمە قومارێکی ڕاستەقینەیە. هیوادارین شتی وا ڕوو نەدات، بەڵام لە هەر دۆخێکدا، ئەگەر هێرش یان دەستدرێژییەک بکرێتە سەر ئێران، ئێمە بەپێی پلاندانانی بەرگریی خۆمان وەڵام دەدەینەوە.”