حزبوڵلای لوبنانی رایگەیاند، لە شەو و رۆژی رابردوودا دەیان هێرشی مووشەکی و درۆنی کردووەتە سەر ئیسرائیل و ژمارەیەکی زۆر سەربازییان کوژراون و برینداربوون.
ناوەندی راگەیاندنی حزبوڵڵای لوبنانی رایگەیاندووە، لە 24 کاتژمێری رابردوودا 35 جار باشووری ئیسرائیلیان بە درۆن و مووشەک بۆردوومان کردووە.
حزبوڵڵای لوبنانی ئاماژەی بەوەشداوە، لە ئەنجامی هێرشەکانیان بۆسەر ئیسرائیل ژمارەیەکی زۆر سەرباز کوژراون و برینداربوون، هەروەها لە درێژەی چالاکییە سەربازییەکانیان دژی داگیرکاری سوپای ئیسرائیل چەند تانکێکی جۆری مێرکاڤایان لە باشووری لوبنان تێکشکاندووە.
جەختدەکاتەوە، ئۆپراسیۆنەکانیان دژی حزبوڵڵا وەڵامێکی جەرگبڕە دژی دەستدرێژییەکانی ئیسرائیل بۆسەر گەلی لوبنان.