لیۆنێل مێسی بەردەوامە لە پێشکەشکردنی ئاستە بەرزەکانی و لە دوایین یارییدا سەرکردایەتی ئینتەر مەیامی ئەمریکی کرد بۆ بردنەوەیەکی گرنگ، دوای ئەوەی بەشداری لە هەردوو گۆڵی یانەکەیدا کرد. ئەم درەوشانەوەیەی ئەفسانە ئەرژەنتینییە لە چوار یاری ڕابردوودا ڕەنگی داوەتەوە، کە تێیدا بەشداری لە تۆمارکردنی 10 گۆڵدا کردووە، ئەمەش نیشانەی ئامادەیی تەواویەتی لە ڕووی جەستەیی و تەکنیکییەوە.
ئاستی مێسی لە کاتێکدایە کە وادەی یارییەکانی مۆندیال نزیک دەبێتەوە؛ ئێستا چاوی ملیۆنان هاندەری وەرزشی لە سەرانسەری جیهاندا لەسەر ئەم ئەستێرەیەیە و بە تامەزرۆییەوە چاوەڕوانن لەم پاڵەوانێتییە گەورەیەشدا ئاستێکی ناوازە و مێژوویی پێشکەش بکات.
ئەم ئامارە تۆقێنەرانەی خولی ئەمریکی نامەیەکی ڕوونە بۆ ڕکابەرەکانی کە کاپتنی ئەرژەنتین لە لووتکەی ورەی دایە.
شیکەرەوەکان پێیان وایە ئەم زنجیرە سەرکەوتنە باشترین پاڵنەری دەروونییە بۆ مێسی تا بە بەوپەڕی متمانەوە بچێتە ناو کەشی مۆندیال و پارێزگاری لە نازناوەکەی بکات.
جێی باسە لەئێستادا جیهان چاوەڕێی ساتە وەختی دەستپێکردنی مۆندیال دەکەن بۆ ئەوەی مێسی ئەم سیحر و سەرکردایەتییە سەرنجڕاکێشەی لە ئەمریکاوە بگوازێتەوە بۆ سەر ستەیجی گەورەی جیهانی.