ئەمڕۆ پێنجشەممە، 11ی حوزەیرانی 2026، لەگەڵ بەردەوامیی مامەڵەکان لە بازاڕەکانی وزەدا، نرخی نەوت بازدانێکی گەورە و بەهێزی بەخۆوە بینی و ئەو ئارامی و دابەزینەی چەند ڕۆژی ڕابردووی جێهێشت، ئەمەش دوای سەرهەڵدانەوەی گرژییەکی بێپێشینە لە ناوچەکەدا.
لە گۆڕانکارییە بەردەوامەکانی ئەمڕۆی بازاڕدا، نرخی هەر بەرمیلێک نەوتی خاوی برێنت بەرزبونەوەی بەخۆوە بینی و گەیشتە 93.57 دۆلار، کە بەراورد بە ئامارەکانی دوێنێ (92.00 دۆلار) بە بڕی 1.57 دۆلار بە شێوەیەکی بەرچاو بەرزبووەتەوە.
هاوكات، نرخی هەر بەرمیلێک نەوتی خاوی سووکی تەکساسی ئەمریکیش بە هەمان شێوە ڕووی لە هەڵکشان کردەوە و گەیشتە 90.69 دۆلار، کە ئەمەش بەراورد بە کاتی پێشوو (88.72 دۆلار) بەرزبوونەوەی 1.97 دۆلاری نیشان دەدات.
ئەم بەرزبوونەوە بەرچاوەی نرخەکانی نەوت ڕاستەوخۆ دوای ئەوە هات کە تاران داخستنی تەنگەی هورمزی ڕاگەیاند، کە خاڵێکی یەکجار ستراتیژی و گرنگی گواستنەوەی کەرتی وزەیە لە جیهاندا. ئەم بڕیارە ترسی توندی لای بازرگانان و وەبەرهێنەران دروستکردووەتەوە سەبارەت بە پچڕانی هێڵەکانی دابینکردنی نەوت، ئەمەش دڵەڕاوکێی کەرتی وزەی گەیاندووەتە لوتکە و وایکردووە نرخەکان دووبارە بە توندی ڕوو لە هەڵکشان بکەنەوە.