بەڕێزان بەڕێوەبەر و ستافی بەڕێوەبردن و کادیر و کارمەندانی تۆڕی میدیایی شێخان
لە دووەمین ساڵیادی دامەزراندنی تۆڕی میدیایی شێخان، پیرۆزباییەکی گەرم لە ئێوەی هێژا و خوێنەران و ئاشنایانی خۆشەویستی ڕادیۆ و ماڵپەڕی شێخان میدیا دەکەین، هیوادارین بۆ ساڵی داهاتوو لە هەموو ڕوویەکەوە هەنگاوی نوێتر و باشتر بنێن.
دامەزراندنی ئەو پڕۆژە ڕۆشنبیری و میدیاییە دەستکەوتێکی دیکەی گرنگی میدیایی پارتیمانە بۆ خزمەتگەیاندن بە بواری ڕاگەیاندن بە گشتی، هەروەها لەو ڕۆژگارە پێشکەوتووەدا لە ڕووی تەکنەلۆجیا و پەیوەندی پێوەکردن بایەخی خۆی هەیە، بۆیە ڕۆڵی ئێوە زۆر دیار و کاریگەرە لە بواری ڕۆشنبیری و هۆشیاری و خستنەڕووی خواست و ویستی خەڵک و دانیشتوانی ئەو ناوچەیە.
دووبارە بەو بۆنەیەوە خوزیاری پێشکەوتن و سەرکەوتنی زیاترین لە کار و چالاکییەکانتان.
بەشی ڕۆشنبیری و ڕاگەیاندنی پارتی دیموکراتی کوردستان
٢٣ی تەمووزی ٢٠٢٦