هاوپەیمانی مەسیحی بە توندترین شێوە هێرشە درۆنییەکانی ئەمڕۆ سەر ئۆفیسی تایبەتی سەرۆکی حکومەتی هەرێمی کوردستان، کاک مەسرور بارزانی، و شوێنی نیشتەجێبوونی بەڕێوەبەری ئاژانسی پاراستن سەرکۆنە دەکات.
ئەم هێرشانە پێشێلکارییەکی مەترسیدارە بۆ سەروەری و ئاسایشی هەرێمی کوردستان و هەڕەشەیەکی ڕاستەوخۆیە بۆ ئارامی و سەقامگیریی هەرێم و عێراق.
ئێمە لە هاوپەیمانی مەسیحی، هاوپشتی تەواوی خۆمان بۆ سەرۆکی حکومەتی هەرێمی کوردستان و دامەزراوەکانی هەرێم دەردەبڕین، و جەخت دەکەینەوە کە هیچ لایەنێک مافی ئەوەی نییە ئاسمانی و خاکی عێراق و هەرێمی کوردستان بکاتە مەیدانی ملمـلانێ و هەژموونی ناوچەیی.
هەرێمی کوردستان ماوەیەکی درێژە سیاسەتی ئاشتی و پێکەوەژیان و دوورکەوتنەوە لە ملمـلانێ ناوچەییەکان پەیڕەو دەکات؛ بۆیە پاراستنی ئاسایش و سەروەرییەکەی بەرپرسیارێتییەکی نیشتمانی و یاساییە.
ئەم جۆرە هێرشانە ناتوانن ئیرادەی دامەزراوەکانی هەرێمی کوردستان بشکێنن، و ئێمە لە گەل حکومەت و خەڵکی کوردستان دەوەستین بۆ پاراستنی ئاشتی، سەقامگیری و سەروەریی خاکەکەمان.
هاوپەیمانی مەسیحی
١٧ی ئاب ٢٠٢٦