وەزارەتی كارەبای حكوومەتی هەرێمی كوردستان لە ئاگادارییەكدا ئاماژە بەوە دەدات، كوژانەوەی گشتیی كارەبا لە هەرێمی كوردستان ڕوو دا.
كەمێك پێش ئێستا (سێشەممە 7/4/2026)، وەزارەتی كارەبا ئاگادارییەكی بۆ سەرجەم هاووڵاتیان بڵاو كردەوە و تێیدا هاتووە: “هاووڵاتیان ئاگادار دەکەینەوە بەهۆی گرفتێکی تەکنیکی لە تۆڕەکانی پاڵەپەستۆی بەرز، گرفتی کوژانەوەی گشتیی كارەبا ڕووی داوە.”
لە ئاگادارییەكەدا ئەوەش خراوەتە ڕوو، تیمەکانی وەزارەتی کارەبا سەرقاڵی چارەسەرکردنی کێشەکەن و بەم نزیکانە چارەسەر دەکرێت.