ئەمشەو یاریگای ڕێد بۆڵ ئەرینا لە شاری ساڵبێرگی نەمسا دەبێتە مەیدانی ئاڵەنگاری و یەکلایی کردنەوەی پاڵەوانی جامی سوپەری ئەوروپا،کە قەرارە لەنێوان یانەی پاریس سانجێرمانی فەڕەنسی پاڵەوانی خولی یانە پاڵەوانەکانی ئەوروپا و یانەی ئاستۆن ڤێلای پاڵەوانی یارۆپالیگ بەڕێوەبچێت،لە کاتژمێر 22:00 بەکاتی هەرێمی کوردستان فیکەی دەستپێکی یارییەکە لەلایەن عومەر ئارتانی سۆماڵی لێدەدرێت.
پاریس سانجێرمان دوای ئەوەی وەرزی ڕابردوو بەسەرکردایەتی کڤارا و دێمبیلێ وەکو یانەیەکی خەیاڵی هەموو ڕکابەرانی تێکشکاند و لەیاری کۆتایی چامپیۆنزلیگ توانی بەلێدانە یەکلاییکەرەوەکان لەخاڵی سزا ئارسێناڵەکەی ئارتێنتا دووچاری شکست بکات و بۆ دووەمین لەسەر یەکتری ببێتە پاڵەوانی کیشوەری ئەوروپا.
هەرچی یانەی ئەستۆن ڤێلایە،وەرزی ڕابردوو بووە ئەسپی ڕەشی پرێمەرلیگ و توانی پلەی چوارەم لە ڕیزبەندی ئەو خولە بەهێزەی جیهان بەدەست بهێنت،لە یۆرۆپالیگش هەموو بەربەستەکانی بڕی و توانی لەیاری کۆتایی بە ئەنجامی سێ گۆڵی خاوێن لەیانەی فرایبۆرگی ئەڵمانی بباتەوە و ببێتە پاڵەوانی خولەکە.
“سەرکار ڕێبوار”