ئەمڕۆ لەڕاگەیاندراوێکی فەرمیدا شیرۆ ئیمۆبێلی ئەستێرەی تۆپی پێی ئیتاڵیا وازهێنانی خۆی لە یاری کردن ڕاگەیاند و ئاشکرای کرد ئێرە کۆتایی ئەو وێستگەیە،کە سەردەمانێکی زۆرە لەپێناویدا جەنگاوە و هەوڵ دەدات لێرەوە کاتەکانی خۆی بۆ خێزانەکەی تەرخان بکات،سوپاسی هەموو کەسانەی کرد لەسەرەتاوە متمانەیان پێکرد و هاوکاری بوون.
ئیمۆبێلی یەکێکە لەو ئەستێرانەی ئیتاڵیا وەکو گۆڵکارێکی نموونەیی خۆی نیشانی هەموواندا و لەگەڵ یانەکانی لازیۆ و دۆرتمۆند و یۆڤانتۆس ئاستێکی بەرزی پێشکەش کرد،لەساڵی 2019 بووە گۆڵکاری خولی ئیتاڵیا بەتۆمار کردنی 36 گۆڵ و بووە براوە خەڵاتی پێڵاوی ئاڵتوونی وەکو گۆڵکاری ئەوروپا،لە ساڵی 2021 لەگەڵ ئیتاڵیا توانی یۆرۆ بباتەوە.
ئیمۆبێلی تەمەن 36 ساڵ لەسەرەتاکانی گەنجیدا ڕوویکردە یۆڤانتۆس و لەوێدا هەنگاوێکی گەورەینا بۆ دانانی بناغەیەکی پتەوی کاروانی وەرزشی خۆی،سەردەمی یاری کردنی لەگەڵ یانەی لازیۆ باشترین ساتەکانی یاری کردنی بووە و گۆڵکاری مێژوویی ئەو یانەیە بەتۆمار کردنی 207 گۆڵ لە 340 یاری.
“سەرکار ڕێبوار”