کاتێنا یاریزانی یانەی ئۆساسۆنا باسی لە ئامادەکارییەکانی ڕووبەڕووبوونەوەی یانەی ڕیال مەدرید کرد لە لالیگا، ئەو پەیامانەی ئاشکرا کرد کە ڤیکتۆر مونۆزی هاوڕێی پێش یارییە پێشبینیکراوەکە بۆی ناردبوو.
کاتێنا وتی: مونۆز یاریزانی پێشووی ڕیاڵ مەدرید شتێکی پێ ڕاگەیاندین کە پێشتر دەمانزانی: ڕیاڵ مەدرید تیپێکی گەورەیە و یارییەکە زۆر قورس دەبێت، لەگەڵ ستافی ڕاهێنەرایەتیدا کاردەکەین لەسەر هەندێک لایەن کە ڕەنگە دەرفەتێکمان پێبدات براوەبین و بە ئەنجامێکی ئەرێنی بێینە دەرەوە.
سەبارەت بە یاریزانە ئەستێرەکانی ڕیال مەدرید، یاریزانی ئۆساسۆنا دەڵێت: هەموو یاریزانەکانیان باش و مەترسیدارن، هەریەکەیان شێوازی تایبەتی خۆیان هەیە کە دەتوانێت بەشێوەیەکی جیاواز دەربازببن لێت، بەڵام بۆ من تەرکیز لەسەر هێرشبەران دەمێنێتەوە.