لە یاریەکانی پاڵاوتنەکانی مۆندیالی 2026 هەڵبژاردەی فەڕەنسا کەوتە نێو گێژاوی پێکانی ئەستێرەکانی و کیلیان مباپێ لە یاری ڕابردووی هەڵبژاردەی فەڕەنسا بەهۆی پێکانەوە یاریگای جێهێشت و نەیتوانی بەردەوامی بە یاری کردنی بدات.
ڕۆژنامەی لیکویپ ئەوەی ئاشکرا کردوە هیچ گومانی تێدا نییە کیلیان بەهۆی ئەو پێکانەوە ناتوانێت بەرامبەر ئایسلەندا یاری بکات و بەوهۆیەوە شاندی هەڵبژاردەکەی جێـهـێـشـتوە گەڕاوەتەوە مەدرید و لەوێش پشکنینی پزیشکی بۆ ئەنجامدراوەتەوە.
بەپێی نوێترین بشکنینی پزیشکی پێکانەکەی کیلیان بەهۆی شەکەتی و ماندوێتیەوەیە و یاریزانەکە پێکانەکەی مەترسیدار نییە وە هەفتەی داهاتووش دەتوانێت بگەڕێتەوە ڕاهێنانی بەکۆمەڵ لەگەڵ تیپەکەی،بەڵام هێشتا ترس هەیە لەگەورە بوونی پێکانەکەی بۆیە چاودێری تەواو دەکرێت.
“سەرکار ڕێبوار”