یانەی ئینتەر میلانی ئیتاڵی لە پێگەی فەرمی خۆیان بڵاویانکردەوە کە لاوتارۆ مارتینێزی سئەستێرەی ئەرجەنتینی و کاپتنی یانەکەیان جارێکیتر تووشی پێکانبووەتەوە.
یانە ئیتاڵیەکە ئاشكرایکردووە، پێکانەکەی لاوتارۆ لە ماسولکەکانی قاچی چەپیدایە و دوای ئەنجامدانی پشکنینە پزیشکیەکان لەلایەن دەستەی پزیشکی یانەکەیان دەرکەوتوە.
یانەکە ئاماژەی بەوەداوە کە رۆژانە ئەو یاریزانە لەژێر چاودێری پزیشکەکانی یانەکەیاندا دەبێت و بەردەوامیش پشکنینی نوێی بۆ دەکرێت تا چاکدەبێتەوە لە پێکانەکەی.
هەرچەندە ئینتەر باسی لە ماوەی دوورکەوتنەوەی لاوتارۆی نەکردوە بەڵام تۆڕی سکای سپۆرت دوپاتییکردەوە کە ئەو یاریزانە لانی کەم دوو هەفتە لە یاریگاکان دووردەکەوێتەوە.
لاوتارۆ لە ماوەی رابردوودا نزیکەی مانگێک بەهۆی پێکانەوە دوورکەوتەوە و لە یاری رابردوویان بەرامبەر رۆما گەرایەوە و سەرکردایەتی یانەکەی کرد بۆ بردنەوە بە ئەنجامی پێنج گۆڵ بەرامبەر دوو گۆڵ.