دوێنێ شەو کۆتا دیداری نێوان هاندەرانی ڕیاڵ مەدرید و دانی کارڤاخاڵی ئیسپانی بوو وەکو یاریزانی یانەکە،کە دوای ساڵانێک یاری کردن یاریزانەکە بڕیاریدا ئەم وەرزە بکاتە کۆتا وەرزی یاری کردنی لەگەڵ یانەی شاهانە و لەبەیاننامەیەکی فەرمیدا ئەستێرەکەی باڵی ڕاستی یاریگا سوپاس هەمووانی کرد بۆ ئەو پشتگیریەی لێی کرا لەو ماوەیەدا.
دانی لە بەیاننامەکەدا وتی؛دەمەوێت زۆر سوپاسی دایک و باوکم بکەم بۆ ئەو پێگەیاندنەی من،کە هەر لەمنداڵیەوە هاوکاری من بوونە و لەهەر ساتێک بووایە دەیان بردنمە ڕاهێنانەکان
زۆر سوپاسی یاریزانەکانی پێشووی ڕیاڵ مەدرید دەکەم لەگەڵ من یارییان کردوە،سوپاسی هاندەران دەکەم،خۆشحاڵم لێرە توانیم نازناوی دەیەمی چامپیۆنزلیگ و سێ ساڵی یەک بەدوای یەک ببینە پاڵەوانی ئەوروپا،هەمیشە ئێرە ماڵی منە.
کارڤاخاڵ کۆتا یاریزانی ئەو جیلەی ڕیاڵ مەدرید بوو توانیان نازناوی دەیەمی چامپیۆنزلیگ ببنەوە و سێ نازناوی لەسەر یەکتریش ببەنەوە،کە ئەستێرە تەمەن 34 ساڵەکە لە 450 یاری خاوەنی 14 گۆڵ 75 ئەسیستە.
“سەرکار ڕێبوار”