کۆمپانیای گووگڵ بە فەرمی ڕایگەیاند کە تایبەتمەندیی دروستکردنی وێنەی کەسی و گۆڕینی شێوازی وێنەکان (Personalized AI Image Generation) لە ڕێگەی مۆدێلی جێمینییەوە ئێستا بۆ سەرجەم بەکارهێنەرانی ناو ئەمریکا بە خۆڕایی بەردەستە بەپێی ڕاپۆرتێکی نوێی پێگەی تێک کڕانچ ئەم نوێکارییە نوێیەی گووگڵ ڕێگە بە بەکارهێنەران دەدات کە وێنەی سەرەکی و ناسنامەی ڕوخساری کەسەکان وەک مەرجێکی جێگیر بهێڵنەوە و تەنها گۆڕانکاری داهێنەرانە لە جلوبەرگ و پۆزی جەستە و پاشبنەما و ڕووناکیدا بکەن بەبێ ئەوەی شێوازی دەموچاوەکە بگۆڕێت
ئەم هەنگاوە وەک کێبڕکێیەکی ڕاستەوخۆ دەبینرێت لەگەڵ پلاتفۆرمەکانی تری دروستکردنی وێنە و ئامانجی سەرەکی پێشکەشکردنی ئامرازێکی وردترە بۆ بەکارهێنەران و کەرتی مارکێتیینگ کە دەیانەوێت وێنەی ڕیالیستی بە کوالێتی بەرز بەرهەم بهێنن هاوكات گووگڵ ڕایگەیاندووە کە لە ماوەی داهاتوودا کار دەکات بۆ فراوانکردنی ئەم تایبەتمەندییە بۆ بەکارهێنەرانی ناوچەکانی تری جیهانیش تا بتوانن سوود لەم سیستمی دروستکردنە پێشکەوتووە وەربگرن
