کۆمپانیای OpenAI بڕیاریدا ڕیکلام لە ناو هەردوو ئاستی بێبەرامبەر (Free) و بەشداریی هەرزانی Go لە ناو پلاتفۆرمی ChatGPT لە وڵاتی هیندستان نیشان بدات، کە زیاتر لە ١٠٠ ملیۆن بەکارهێنەری هەفتانەی لەو وڵاتەدا هەیە.
لە قۆناغی یەکەمدا ڕیکلامی ٥٠ براندی جۆراوجۆر بڵاودەکرێتەوە. هەروەها کۆمپانیاکە لە مانگی داهاتوودا سیستەمی بەڕێوەبردنی ڕیکلام (Ad Manager) بۆ بازرگانان بەردەست دەکات کە کەمترین تێچووی ڕۆژانەی ڕیکلام تێیدا ٧٢٥ ڕوپیەی هیندی (نزیکەی ٧.٦ دۆلار) دەبێت.
ئەم هەنگاوەی OpenAI دوای ئەوە دێت کە بەرنامەی نیشاندانی ڕیکلامەکانی لە سەرەتای ئەمساڵدا لە ئەمریکا و ئەوروپا ئەنجامدا؛ ئامانجی سەرەکیشی زیادکردنی سەرچاوەکانی داهات و هەمەجۆرکردنیانە بەرەو ئامادەکاری بۆ خستنەڕووی پشکەکانی لە بۆرسەدا (IPO).