کۆمپانیای گووگڵ لە ڕاگەیاندنی مۆدێلی ژیری دەستکردی Gemini 4 نزیک بووەتەوە و پڕۆژەکە گەیشتووەتە قۆناغەکانی کۆتایی کورای کاڤووکچیۆگلۆ سەرۆکی نوێی بەشی Google DeepMind ڕایگەیاند کە ئەم وەشانی نوێیە ئێستا لە قۆناغی ڕێکخستن و باشترکردنی کۆتاییدایە.
ئەم هەنگاوەی گووگڵ دوای ئەوە دێت کە لە ماوەی ڕابردوودا لە پێشبڕکێی خستنەڕووی مۆدێلە پێشکەوتووەکانی AI کەمێک لە دواوەی ڕکابەرەکانی بوو بەم وەشانە نوێیەش گووگڵ هەوڵ دەدات باڵادەستی خۆی لە جیهانی تەکنەلۆژیادا بگەڕێنێتەوە.