کۆمپانیای YouTube ڕایگەیاندووە کە فلتەرێکی نوێی گەڕان تاقی دەکات بە بەکارهێنانی زیرەکی دەستکرد (Artificial Intelligence)کە ئامانجی باشترکردنی ئەزموونی بەکارهێنەرانە لە کاتی دۆزینەوەی ناوەڕۆک.
بەپێی ئەم فلتەرە کاتێک بەکارهێنەرێک بەدوای بابەتێک یان سەرچەوەیەک دەگەڕێت، تەنها لیستی ڤیدیۆکان پیشان نادرێت، بەڵکوو AI وەلامێکی کورت و ڕوون پێشکەش دەکات لەگەڵ پێشنیاری ڤیدیۆی پەیوەندیدار. هەروەها بەکارهێنەر دەتوانێت پرسیاری زیاتر بکات و گەڕانەکە بکاتە گفتوگۆیەکی بەردەوام.
ئەم فلتەرە بە ناوی (Ask YouTube) ناسراوە و وەک سیستەمێکی گەڕانی گفتوگۆیی کار دەکات، کە دەتوانێت زانیاری بە خێرایی و بە شێوەیەکی ڕوون بگەیەنێت بە بەکارهێنەران هەروەها هەرچەندە ئەم تایبەتمەندییە هێشتا لە قۆناغی تاقیکردنەوەدایە و تەنها بۆ ژمارەیەکی سنووردار لە بەکارهێنەران بەردەست کراوە، بەڵام چاوەڕوان دەکرێت لە داهاتوودا بە شێوەیەکی فراوانتر بڵاو بکرێتەوە.