لە هوتێلی ئێن ئەربیل، بە ئامادەبوونی بەرپرسانی حكوومی و حزبی، ئەدیبان و رۆشنبیران و هونەرمەندان، دامەزراوەی میدیای كەی مەگەزین رێوڕەسمێكی بۆ ناساندن و بڵاوكردنەوەی كتێبی “كلوەبەفرەكان پەنجەم ناتەزێنن”ـی هونەرمەندی شانۆكار خاتوو گەزیزە عومەر بەڕێوە برد و خەڵاتی بەخششی هونەریشی پێشكەشكرد.
هەر لەو مەراسیمەدا، چەند وتارێك خوێنرانەوە و ژمارەیەك لە ئامادەبوان خەڵات و چەپكەگوڵیان پێشكەش بە گەزیزە خان كرد.
گەزیزە عومەر، وەک شانۆکار و دەرهێنەرێکى کورد لە ماوەی تەمەنیدا توانیویەتی بەرهەم و خزمەتێکى زۆر پێشکەش بە شانۆی کوردى بکات و خاوەنی چەندین كار و بەرهەمی ناوازەیە.
فۆتۆ: سەردار قادر