لە هەولێر، بە ئامادەبوونی پارێزگار و ژمارەیەک لە هونەرمەندان و هونەردۆستان، دەیەمین پێشانگای تایبەتی شێوەکار دلێر محەممەد شەریف بە ناونیشانی “تارمایی” لە گەلەری میدیا کرایەوە.
پێشانگاکە چەندین تابلۆی نوێی هونەرمەندی لەخۆگرتبوو، تێیاندا بە تەکنیک و سەلیقەیەکی بەرزی هونەری، تێڕوانینی خۆی بۆ چەمکی “تارمایی” خستبووەڕوو.
ئومێد خۆشناو، پارێزگاری هەولێر، لەکاتی کردنەوەی پێشانگاکەدا، دەستخۆشی لە هونەرمەند کرد و بەردەوامیی جووڵەی هونەری لە پایتەخت بەرز نرخاند.
پێشانگای “تارمایی” بۆ ماوەی سێ ڕۆژ بەڕووی هاووڵاتییاندا کراوە دەبێت و دەرگای گەلەری میدیا لە بەیانیان و ئێواراندا بۆ پێشوازی لە میوانان کراوە دەبێت.