ئۆکراینا شەوێکی سەختی بەهۆی هێرشی ئاسمانیی ڕووسیاوە بەڕێ کرد. لە شاری کیێڤ چەندین باڵەخانەی نیشتەجێبوون و هۆتێلێک بەتەواوی وێران بوون.
ڤیتالی کلیچکۆ، سەرۆکی شارەوانیی کیێڤ گوتی لانی کەم ١٣ کەس گیانیان لەدەست داوە و ٨٦ کەسیش بریندار بوون. سوپای ئۆکراینا ڕای گەیاند ڕووسیا لەم هێرشانەدا نزیکەی ٥٠٠ درۆن و دەیان مووشەکی بالیستی و کرووزی بەکار هێناوە.
ڤۆلۆدیمێر زێلێنسکی، سەرۆک کۆماری ئۆکراینا پێشتر هۆشداریی دابوو ڤلادیمێر پوتین خەریکی ئامادەکارییە بۆ هێرشێکی گەورە.
هاوکات کایا کالاس، بەرپرسی سیاسەتی دەرەوەی یەکێتیی ئەورووپا ڕای گەیاند پێشنیاری سزای نوێ بەرانبەر ئەو کۆمپانیایانە دەکات پشتگیریی پیشەسازیی سەربازیی ڕووسیا دەکەن.
لە لایەکی دیکەوە، ناوەندی (CSIS) لە واشنتن ڕای گەیاند کۆی ژمارەی کوژراو و بریندار و بێسەروشوێنەکانی هەردوولا لە ماوەی چوار ساڵی شەڕدا لە دوو ملیۆن کەس تێپەڕی کردووە.
