فەرماندەی گشتیی سوپای پاسدارانی ئێران دەڵێت، بەم زووانە خەڵکی فەلەستین تامی سەرکەوتن و ئیسرائیل و دژمنانیش تامی تاڵی تۆڵەسەندنەوە لە شەڕەنگێزییەکانیان دەچێژن.
حوسێن سەلامی فەرماندەی گشتیی سوپای پاسدارانی ئێران دەڵیت: وڵاتەکەی بە چەکی سەربازی لەگەڵ ئەمریکا شەڕ ناکات، بەڵکوو بە چەکی باوەڕی گەنجەکان ڕووبەڕووی دەبێتەوە و هەتا ئەو چەکەشیان هەبێت نە سازش و نە پاشەکشە دەکەن.
سەلامی دەشڵێت، ئێستا بە زمانی هێز لەگەڵ دژمن دەجەنگین و بەئاشکرا هێرش دەکەینە نێو دڵی ستەمکارانەوە.
جەختیش دەکاتەوە، بە هێرشی بەڵێنیی سادق( کەجاری پێشوو کردیانە سەر ئیسرائیل) کۆتاییان بە تواناییەکانی دژمن هێناوە.
