ئاگرێكی بەرفراوان لە ناوچە دارستانەكانی سەراتی بەنی مالیک لە باشووری پارێزگای تائیف لە شانشینی عەرەبستانی سعوودیە دەكەوێتەوە کە بە گوێرەی ماڵپەڕی (کەشوهەوای عەرەب) ئاگرەكە نزیکەی 10 کیلۆمەتر بە ناوچەكەدا درێژ بووەتەوە.
هاوبەشانی تۆڕە کۆمەڵایەتییەکان گرتە ڤیدیۆییەکانیان بڵاو کردووەتەوە کە تیایدا ئاگرکەوتنەوەکە تۆمار كراوە و ئاماژەیان بەوە داوە کە هێشتا بەردەوامە و لە سەراتی بەنی مالیک لە باشووری پارێزگای تائیف درێژەی هەیە.
هەروەها بەپێی ئەوەی كە ماڵپەڕی فەرمی رووسیا (RT) بڵاوی كردووەتەوە، تیمەکانی بەرگریی شارستانی و لایەنە پەیوەندیدارەکانی حكوومەتی سعوودیە کار دەکەن بۆ کۆنترۆڵکردنی ئاگرەکە و سنووردارکردنی بڵاوبوونەوەی لە نێو ناوچەیەکی ناهەمواری کەشوهەوایەکی وشکی هاویندا.