بەپێی ڕاپۆرتی میدیاکان، لە ساڵی ٢٠٢٤دا ئەڵمانیا زیاتر لە هەر کاتێکی دیکە چەک و جبەخانەی سەربازیی هەناردە کردووە.
ڕۆژنامەی “پۆلیتیکۆ” بڵاوی کردەوە، حکوومەتی فیدراڵیی ئەڵمانیا لە ساڵی ڕابردوودا ڕەزامەندیی لەسەر هەناردەکردنی چەکی سەربازی بە بەهای ١٢.٨ ملیار یۆرۆ داوە. لە ساڵی ٢٠٢٣دا، ئەم بڕە ١٢.١ ملیار یۆرۆ بوو.
ئۆکرانیا بە هاوردەکردنی چەک بە بەهای ٨.١٥ ملیار یۆرۆ لە پلەی یەکەمی ئەو وڵاتانەدایە کە چەکیان لە ئەڵمانیا کڕیوە.
“ئۆتۆمبێلی سەربازیی زنجیردار و تایەدار” بە بەهای ٤.٤ ملیار دۆلار، زۆرترین ئەو کەرەستە سەربازییانە بوون کە لەلایەن ئەڵمانیاوە هەناردە کراون.