عەبدولڕەحیم موسەوی هۆشداریی دا ئەگەر جەنگ بەرۆکی ناوچەکە بگرێتەوە، پەرەسەندنی ناوچە بۆ چەندین ساڵ دوادەخات .
عەبدولڕەحیم موسەوی، سوپاسالاری ئێران، لە لێدوانێکدا هۆشداریی دا و گوتی وڵاتەکەی ئامادەی جەنگێکی گشتگیر و ناوچەییە، بەڵام بە گوتەی ئەو “نایانەوێت” ئەم جەنگە بەرۆکی هەموو ناوچەکە بگرێتەوە.
موسەوی گوتی، هەرچەندە ئاگرەکەی ئەم جەنگە ناوچەییە دەستدرێژیکاران بە ئامانج دەگرێت، بەڵام لە کۆتاییدا بەرەپێشچوون و پەرەسەندنی ناوچە بۆ چەندین ساڵ دوادەخات. ئەو هەروەها گوتی لێکەوتەکانی ئەم جەنگە دەکەوێتە ئەستۆی ئەو لایەنەی جەنگیان دەوێت، وەک ئەمریکا و “ڕژێمی زایۆنی”.
