سەرچاوە هەواڵگرییەکانی ئەمریکا ئاشکرایان کردووە کە کۆماری ئیسلامی ئێران خەریکی بنیاتنانەوەی ڕیزی سەربازییەکانیەتی و پرۆسەی بەرهەمهێنانی فڕۆکەی بێفڕۆکەوان (درۆن) بە خێراییەکی زۆر زیاتر لەوەی چاوەڕوان دەکرا، بەڕێوەدەبات.
کەناڵی سی ئێن ئێن (CNN)، لە زاری دوو سەرچاوەی ئاگادار لە هەواڵگرییەکانی ئەمریکاوە رایگەیاندووە، ئێران لە کاتی ئەو ئاگربەستەی کە لە سەرەتای مانگی نیسانەوە دەستی پێکردبوو، دەستی بە هەندێک ئۆپەراسیۆنی گرنگی بەرهەمهێنانی فڕۆکەی بێفڕۆکەوان کردووەتەوە.
چوار سەرچاوەی هەواڵگری دیکەش پشتڕاستیان کردووەتەوە کە سوپای ئێران بە خێراییەکی زۆر زیاتر لە پێشبینییە سەرەتاییەکان، خەریکی ڕێکخستنەوە و بنیاتنانەوەی ڕیزەکانی خۆیەتی.
ئەم پێشهاتانە لە کاتێکدا دێن کە لە چەند مانگی ڕابردوودا، ڕۆژهەڵاتی ناوەڕاست شایەدی گرژییەکی توندی سەربازی و ئەمنی بووە. ئەمەش دوای زنجیرەیەک هێرشی چڕی ئەمریکا و ئیسرائیل هات کە بەشێوەیەکی ڕاستەوخۆ ئەم شوێنانەیان لە ناوخۆی ئێران کردبووە ئامانج:
1. دامەزراوە سەربازی و مووشەکییەکان.
2. ژێرخانی بەرگری و پیشەسازی سەربازی.
هەواڵی پێشوو