فرماندەیی ناوەندیی ئەمریکا سێنتکۆم ڕایگەیاند هێزەکانی ئەمریکا لە کاتی جێبەجێکردنی گەمارۆی دەریایی لەسەر ئێران، لە “بەرزترین ئاستی ئامادەباشی”دان، لە کاتێکدا ئاڵۆزییەکان لە کەنداوی فارس بەردەوامن و فشارەکان لەسەر تاران زیاد دەبن.
سێنتکۆم وێنەی هەڵفڕینی فڕۆکە شەڕکەرەکانی دەریایی ئەمریکای بڵاوکردەوە کە لە هەڵگری فڕۆکەی ئیبراهیم لینکۆلن لە دەریای عەرەبەوە هەڵدەفڕن، و ئاماژەی کرد کە گروپی شەڕیی ئەو هەڵگرە هێشتا بە تەواوی ئامادەباشی بەردەوامە لە جێبەجێکردنی ئەرکەکانی لەگەڵ بەردەوامبوونی گەمارۆکە بەرامبەر بە بەندەرەکانی ئێران.
فرماندەیی ناوەندی لە ڕاگەیەنراوێکدا لەسەر پلاتفۆرمی “ئێکس” وتی: “گروپی دەریایی هەروا لە بەرزترین ئاستی ئامادەباشیدایە لە کاتی جێبەجێکردنی گەمارۆی ئەمریکا بەرامبەر بە بەندەرەکانی ئێران.”
ئەم هەنگاوە لە ناو تصعیدێکی بەردەوامدا دێت لەنێوان واشنتن و تاران سەبارەت بە پەڕگەی ناوەکی و ئازادیی هاتووچۆی دەریایی لە گەرووی هورمز لە کاتێکدا ئەمریکا دەڵێت ئۆپەراسیۆنی دەریایی فراوان بەڕێوە دەبات بۆ دڵنیابوون لە پاراستنی ڕێگا ئاوییە گرنگەکان و ڕێگرتن لەوەی ئێران کەڵک لە تەنگاوەکە وەربگرێت وەک ئامرازێکی فشار.