سەرەڕای ئەو هیواییەی لە گفتوگۆکانی نێوان ئێران و ئەمریکادا هەبوو، لەگەڵ چاوەڕوانی بۆ واژۆکردنی «یادداشتی تێگەیشتن» بە شێوەی دوورەوە ئەمڕۆ یەکشەممە، وەک سەرۆکی ئەمریکا دونالد ترەمپ دوێنێ لە پۆستێکدا لەسەر پلاتفۆرمی «تروث سۆشیال» ئاماژەی پێدا، هێشتا هەندێک خالی گرنگ ماونەتەوە یان ناڕوونن.
بەپێی زانیارییەکانی سەرچاوەیەکی دیپلۆماسی ئاگادار لە گفتوگۆکان، بەرپرسیەکی بەرزی حکومەتی ترەمپ و هەروەها سەرچاوە ئێرانییەکان، جیاوازییەکی گەورە لەسەر ناوەڕۆکی ئەو یادداشتە هەیە، ئەوەش وای کردووە زۆر پرسیار دەربارەی ڕێککەوتنی چاوەڕوانکراو بێ وەڵام بمێننەوە، وەک تۆڕی CNN ئاماژەی پێداوە.
١– دەریای هورموز
یەکێک لە گرنگترین بابەتە ناکۆکەکان، دەروازەی ئاوایی هورموزە. بەرپرسی ئەمریکی ڕایگەیاندووە کە دوای واژۆکردنی ڕێککەوتنەکە، ئەو ڕێڕەوە کراوە دەبێتەوە و ئێران ناتوانێت باجی تێپەڕبوون لە کەشتییەکان وەربگرێت. بەڵام هێشتا ڕوون نییە کام لایەن چاودێری هاتوچۆی دەریایی دەکات.
لە بەرامبەردا، میدیای ئێرانی باس لەوە دەکەن کە کردنەوەی هورموز لە ژێر بەڕێوەبردنی ئێراندا دەبێت، کە ئەو مەرجە واشنتن پێشتر چەند جارێک ڕەتی کردووەتەوە.
٢– ماددە ناوکییەکان و یۆرانیۆمی بەرز ئاست
بەرپرسی حکومەتی ترەمپ وتوویەتی: «بەرنامەی ناوکیی ئێران هەڵدەوەشێندرێت و ماددە ناوکییەکان یاخود لەناو دەبرێن، یان دەگوێزرێنەوە»، کە مەبەستی سەرەکی لە یۆرانیۆمی بەرز ئاستە.
٣– کاتی گفتوگۆ لەسەر پرسی ناوکی
لەبەر ئەوەی تاران چەند جارێک ڕایگەیاندووە کە پرسی ناوکی، بە یۆرانیۆمی بەرز ئاستەوە، لە ماوەی ٦٠ ڕۆژێکدا دوای واژۆکردنی یادداشتی تێگەیشتن گفتوگۆی لەسەر دەکرێت، ئەم بابەتە هێشتا یەکێکە لە خاڵە ناڕوونەکان.
٤– مافی دەوڵەت بۆ پیتاندنی یۆرانیۆم
لایەنی ئێرانی پێشتر جەختی لەسەر ئەوە کردووەتەوە کە وڵاتەکە مافی پیتاندنی یۆرانیۆمی هەیە، هەروەها ڕەتی کردووەتەوە کە کۆگا یۆرانیۆمی بەرز ئاست بگوێزرێتە دەرەوەی وڵات. ئەم خاڵەش یەکێکە لە گرنگترین ناکۆکییەکان لەنێوان هەردوو لایەن.
ئەم چوار پەڕگەیە دەتوانن کاریگەرییەکی ڕاستەوخۆ لەسەر سەرکەوتن یان شکستی ڕێککەوتنی نێوان ئێران و ئەمریکا هەبێت لە ماوەی داهاتوودا.