لەژێر ناونیشانی “تراتیل ملونة پێشانگەیەکی هاوبەشی شێوەکاری بۆ هونەرمەندانی عەرەب لە هەولێر کرایەوە.
پێشانگەکە لە چوارچێوەی چالاکییە ڕۆشنبیری و هونەرییەکانی پایتەختدا، ئەمرۆ چوارشەممە ١ی تەممووزی ٢٠٢٦، بە ئامادەبوونی پارێزگاری هەولێر و ژمارەیەک لە بەرپرسانی ڕۆشنبیری، لە هۆڵی گەلەریی میدیا کرایەوە.
ئەو تابلۆ و بەرهەمە هونەرییانەی لەم پێشانگاەکەدا نمایش کرابوون، گوزارشتیان لە قووڵایی ناخی هونەرمەندە نیگارکێشەکان و جیهانبینییە جیاوازەکانیان دەکات.
بەرهەمەکان بەوە ناسرانەوە کە کۆمەڵێک کاری دانسقە، سەرنجڕاکێش و خاوەن ئاستێکی بەرزی هونەری بوون، ئەمەش وای کرد سەرنجی تەواوی ئامادەبووان و ڕەخنەگرانی بواری شێوەکاری بەلای خۆیاندا ڕابکێشن.
پێشانگەکە ڕەنگدانەوەی هاوئاهەنگی و ئاڵوگۆڕی کولتووری و هونەری نێوان پێکهاتە جیاوازەکانە، کە شاری هەولێر هەمیشە وەک مەڵبەندێکی گرنگی کۆکەرەوەی هونەرمەندان و ڕۆشنبیران لەخۆیدا دەگرێت.