بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان لە هەولێر لە راگەیندراوێکدا هۆشداری دەداتە هاووڵاتییان.
لە راگەیندراوەکە هاتووە ،
پیاوی ئازیز ، ئافرەتی بەڕێز، دایکی دڵسۆز.. ئایا دەزانیت تەنها بە یەک کلیک لەسەر ئەپێکی ساختە، تەواوی ژیانی تایبەتیت دەکەوێتە دەست کەسانی نەناسراو؟
هەروەهارایانگەیاند ، لە ئێستادا ئەپێک بە ناوی «پڵاس» بڵاوبووەتەوە کە لە مارکێتە فەرمییەکاندا نییە و لە ڕێگەی نامەی ( ڤایبەر و واتسئاپەوە ) بۆتان دەنێردرێت. کاتێک دایدەبەزێنیت و ڕێگەپێدانی (مایکرۆفۆن، وێنە و لۆکەیشن)ی پێدەدەیت، بە شێوەیەکی ئۆتۆماتیکی تەواوی داتاکانت دەچێتە دەست کەسانی هاککەر و خاوەن دەروونپیس، پاش چەند ڕۆژێکیش لە ڕێگەی وێنەکانتەوە هەڕەشەی سەرانە و پارەت لێدەکەن، یان دەبنە هۆی تێکدانی شیرازەی خێزانەکەت.
لێرەوە هۆشداری دەدەین: هەرگیز و بە هیچ جۆرێک، هیچ ئەپڵیکەیشنێک لە دەرەوەی کۆگا فەرمییەکان (Google Play و App Store) دانەمەزرێنن.
📞 لە کاتی ڕووبەڕووبوونەوەی هەر جۆرە هەڕەشەیەکی ئەلیکترۆنی، پەیوەندی بە هێڵی گەرمی (١١٩)ی بەڕێوەبەرایەتیمان بکەن؛ ئێمە بە نهێنی و یاسایی داکۆکیکاری سەرەکیتانین.
عقیدی پۆلیس / سەفین طاهر محمدامین بەڕێوەبەری
بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان هەولێر