کۆمپانیای گووگڵ لە نوێترین ڕێکلامی تەلەفزیۆنیی خۆیدا کە هاوکات لەگەڵ ڕۆژی سەربەخۆیی ئەمریکا بڵاوکرایەوە بیرۆکەیەکی سەرنجڕاکێش نیشان دەدات کە تێیدا باوکانی دامەزرێنەری ئەمریکا مۆدێلی ژیریی دەستکردی جێمینی بەکاردەهێنن بۆ داڕشتن و نووسینەوەی دەقی مێژوویی ڕاگەیاندنی سەربەخۆیی وڵاتەکەیان لە ساڵی ١٧٧٦ بەپێی ڕاپۆرتێکی نوێی پێگەی تێک کڕانچ ئەم ڕێکلامە کە بە مەبەستی نیشاندانی تواناکانی نووسین و داڕشتنی جێمینی پەرەی پێدراوە تێیدا نیشان دەدرێت کە چۆن ژیریی دەستکرد پێشنیاری وشە و دەستەواژەی بەهێز بۆ تۆماس جیفرسۆن دەکات بۆ باشترکردنی ناوەڕۆکی بەڵگەنامە مێژووییەکە
ئەم هەنگاوەی گووگڵ دەستبەجێ شەپۆلێک لە ڕەخنە و مشتومڕی زۆری لە تۆڕە کۆمەڵایەتییەکاندا دروستکردووە چونکە زۆرێک لە بینەران و شیکەرەوەکان پێیان وایە ڕێکلامەکە سووکایەتیکردنە بە داهێنانی مرۆڤ و پڕۆسەی بیرکردنەوەی قووڵی مێژوویی و هێمایە بۆ ئەوەی کە ژیریی دەستکرد دەیەوێت دەست بەسەر گرنگترین دەستکەوتە ڕۆشنبیری و مێژووییەکانی مرۆڤایەتیدا بگرێت هاوكات ڕەخنەگران ئاماژە بەوە دەکەن کە بەکارهێنانی ژیریی دەستکرد بۆ نووسینەوەی شتێکی هێندە هەستیار نیشانەی کەمبوونەوەی متمانە بە خۆ و لاوازکردنی لێهاتوویی نووسینی ڕەسەنە لای مرۆڤەکان کە ئەمەش پێچەوانەی ئەو پەیامەیە کە گووگڵ ویستوویەتی وەک ئامرازێکی یارمەتیدەر نیشانی بدات