ئهڤرۆ سێشهمبی، ١١ی تهباخا ٢٠٢٦ێ، د. عهلی تهتهر، پارێزگارێ دهۆكێ، پێشوازی ل ئایدن مهعروف، وهزیرێ ههرێمێ بۆ كاروبارێن پێكهاتهیان و د. جێمس حهسدو ههیدو، پهرلهمانتارێ پێكهاتهیا مهسیحی و شاندێ دگهلدا كر.
د دیدارەکێدا، هەردو لایان ب هووری باس ل ڕەوشا پێکهاتەیان ل دەڤەرێ کر و جەخت لسەر پێدڤیا خۆرتکرنا پەیوەندیێن دناڤبەرا هەمی پێکهاتەیێن ئایینی و نەتەوەیی دا کرەڤە. د. عەلی تەتەر، پارێزگارێ دهۆکێ، ئاماژە ب مێژوویا دێرینا پێکڤەژیانێ ل پارێزگەها دهۆکێ کر و ڕولێ حکومەتا هەرێما کوردستانێ د پاراستنا کلتوورێ هەڤبەش و خزمەتکرنا هەمی دەڤەران بێی جوداهی بلند نرخاند.
ژ لایێ خۆ ڤە، ئایدن مهعروف، وهزیرێ ههرێمێ بۆ كاروبارێن پێكهاتهیان، پهسنا پارێزگهها دهۆكێ كر وەک نموونەکا گەش و جوان یا پێكڤهژیانا ئۆلی و جڤاكی. ناڤبری دهستخۆشی ل ئیدارا پارێزگههێ كر بۆ وان خزمەتگۆزاریێن پێشکێشی پێکهاتەیان دکەن.
د کۆتاییا کۆمبوونێدا، پارێزگارێ دهۆکێ دوپاتکر کو ئیدارا وان ب هەمی شێوەیان پشتهڤانە بۆ جێبهجێكرنا داخوازیێن ڕهوایێن هەمی پێکهاتەیان و پاراستنا ئەوێ تەناهی و برایەتیا ل دەڤەرێ هەی.