دوای ئەوەی دوێنێ شەو لەیاری نێوان یانەی ئەلهیلال و ئەلتەعاون هاندەرانی تەعاون چەندین جار قسەیان بە دیاگۆ جۆتای ئەستێرەی کۆچ کردوی پورتوگالی دەوت تەنها لەپێناو توڕە کردن و بێزار کردنی ڕۆبن نێڤێشی یاریزانی یانەی هیلال،کاردانەوەکان دوای ئەو ڕووداوە بەشێوەیەکی بەرفراوان دەستی پێکرد و بەشێکی یاریزانان و هاندەرانی تۆپی پێ بەتوندی دژی ئەم ڕەفتارە وەستانەوە.
لەنوێترین کاردانەوەدا کریستیانۆ ڕۆناڵدۆی ئەفسانەی پورتوگالی و یاریزانی یانەی نەسڕی سعودی لەتۆڕی کۆمەڵایەتی ئینستاگرام بڵاویکردەوە؛دەبێت ئەم هاندەرانە سزا بدرێن و لەیاریگاکان دووربخرێنەوە،چونکە ئەمە هیچ شێوەیەکی هاندانی تێدا نییە و سوکایەتی ئاشکرایە،دەبێت بەجدی لێکۆڵێنەوە بکرێت لەم بابەتە،چونکە تەنها ڕووداوێکی ئاسایی نییە،ئەم بابەتە تۆپی پێی تێپەڕاندوە و دەبێت سنوورێک دابندرێت.
شایەنی باسە دوای یارییەکە ڕۆبن نێڤێش هاتە بەردەمی میدیاکان و وتی؛هیوادارم هاندەرانی یانەی تەعان،کە چوونەوە ماڵەوە نوێژ نەکەن دوای ئەو کارەی کردنیان
ئەم قسانەی نێڤێش وەکو کاردانەوەیەک بوو،کە هەر کەسێک ئەم کارانە بکات دوورە لەهەموو بەهایەکی ئایینی.
“سەرکار ڕێبوار”