لە چوارچێوەی ساڵیادی ریفراندۆمی سەربەخۆیی کوردستان، بە ئامادەبوونی ژمارەیەک لە بەرپرسان و کەسایەتییە ڕۆشنبیری و هونەرییەکان، ئەمشەو شانۆگەریی “ڕووناکیەک خۆری ئاواکرد” لە هەولێر نمایشکرا.
بەڕێوەبەرایەتیی سینەما و شانۆی هەولێر سەر بە بەڕێوەبەرایەتیی گشتیی هونەر و ڕۆشنبیری هەولێر ، چوارشەممە 23.9.2026 لە چوارچێوەی وەرزی شانۆی هەولێر، شانۆگەری «ڕووناکیەک خۆری ئاواکرد»ی پێشکەش کرد.
ئەم چالاکییە هونەرییە بە ئامانجی بەشداریی لە ساڵیادی ریفراندۆمی سەربەخۆیی کوردستان و لە ڕێگەی شانۆوە، گوزارشتکردن لە هەست و بیرەوەرییە نیشتیمانییە پەیوەست بەو ڕۆژە مێژووییە، بەڕێوەچوو.
ئومێد خۆشناو، پارێزگاری هەولێر، ئاریان سەلاحەددین، بریکاری وەزیری ڕۆشنبیری، سیروان عوسمان، بەڕێوەبەری گشتیی هونەر و ڕۆشنبیری هەولێر، لەگەڵ شانۆکاران و ژمارەیەک لە کەسایەتییە ڕۆشنبیری و هونەرییەکان ئامادەبوون.
شانۆگەرییەکە بەشێک بوو لە بەرنامەکانی وەرزی شانۆی هەولێر، کە لە ڕێگەی بەرهەمهێنانی هونەرییەوە، هەوڵ دەدات بابەت و یادەوەرییە گرنگە مێژوویی و کۆمەڵایەتییەکان لە رێگەی هونەر و شانۆ بخرێنەڕوو.