پارێزگارێ دهۆکێ پێشوازی ل کونسوڵێ گشتی یێ نوو یێ فڕەنسا ل هەرێما کوردستانێ کر و ڕاگەهاند، پەیوەندیێن دیرۆکی یێن دناڤبەرا گەلێ کوردستانێ و فڕەنسا د بوارێن جودادا دێ بەردەوام بن.
ئەڤرۆ ڕۆژا پێنجشەمبی، 24ێ ئەیلوولا 2026ێ، د. عەلی تەتەر، پارێزگارێ دهۆکێ پێشوازی ل ئیمانوێل مینیۆ (Emmanuel Mignot)، کونسوڵێ گشتی یێ نوو یێ فڕەنسا ل هەرێما کوردستانێ کر.
د ڕوونشتنەکێدا، پارێزگارێ دهۆکێ پیرۆزباهییا دەستبکاربوونێ ل کونسوڵێ نوو کر و هیڤیا سەرکەفتنێ بۆ خواست.
پاشان هەردوو لایان بەحس ل پەیوەندیێن دیرۆکی یێن دناڤبەرا گەلێ کوردستانێ و گەلێ فڕەنسا کر و جەخت ل سەر بەردەوامی و گرنگییا ئەو پەیوەندییان د بوارێن جودادا کرن.
ژلایێ خۆڤە، کونسوڵێ فڕەنسا خۆشحالییا خۆ ب دەستبکاربوونێ ل هەرێما کوردستانێ دیار کر. ئیمانوێل مینیۆ ئاماژە ب هەڤدیتنێن خۆ دگەڵ کەسایەتی و لایەنێن سیاسی کر و ڕاگەهاند کو ئێکەم سەرەدانا وی بۆ پارێزگەها دهۆکێ بوویە.