دوای بردنەوە گرنگەکەیان بەرامبەر ئینگلتەرا، لویس دی لا فونتی، راهێنەری هەڵبژاردەی ئیسپانیا، خۆشحاڵی خۆی بە ئاست و ئەنجامی یارییەکە دەربڕی و جەختیکردەوە کە ئەوەی پێشکەشیان کرد سەلماندی ئەوان پاڵەوانی جیهانن.
راهێنەرەکە ئاماژەی بەوەدا کە ئارەزوویەکی بێپایان بۆ بردنەوە لەناو تیپەکەیدا هەیە و رووبەڕووبوونەوەی هەڵبژاردەیەکی بەهێزی وەکو ئینگلتەرا لەم یارییەدا ئاستەنگی زۆری دروستکردبوو.
دی لا فونتی ئەوەشی خستەڕوو کە لە نێوان هەردوو تایمدا بە یاریزانەکانی گوتووە ئەوان تیمی باڵادەستن و سەرەڕای لەدەستدانی سێ هەلی گۆڵکردن، توانایان هەیە ئەنجامەکە بگۆڕن، چونکە ئەوان هەرگیز خۆبەدەستەوەدەر نین و پێداگرن لەسەر بەردەوامبوون لە سەرکەوتن.
لە کۆتاییشدا ستایشی عەقڵییەت و ئامادەیی سەرجەم یاریزانەکانی کرد و رایگەیاند کە سەرسامە بە بوونی کۆمەڵە یاریزانێک کە لە کاتی بەشداریکردنیان لە یاریگادا بە باشترین شێواز ئامادەن.