توێژەرانی زانکۆی مۆنتانا لە ویلایەتە یەکگرتووەکانی ئەمریکا ئاشکرایان کردووە کە تەماشاکردنی باڵندەکان بووەتە بەشێکی گرنگ لە پرۆسەی چاکبوونەوەی نەخۆشانی جەڵتەی مێشک، و ڕێگەیەکی سروشتی و کەمفشارە بۆ ڕاهێنانی سەرلەنوێی مهاراتەکانی پەیوەندیکردن.
مەترسییەکانی جەڵتەی مێشک و دیاردەی «ئافازیا»:
یەکێک لە بەربڵاوترین لێکەوتەکانی جەڵتەی مێشک، تێکچوونی توانای ئاخاوتن، تێگەیشتن لە قسەکردن، خوێندنەوە و نووسینە کە بە «ئافازیا» (Aphasia) دەناسرێت و کاریگەری لەسەر نزیکەی سێیەکی ڕزگاربووانی جەڵتەی مێشک دادەنێت (خەمڵاندنەکان دەڵێن ڕۆژانە ۱۱ هەزار کەس تووشی دەبن).
کاترین ئاف، توێژەر لە زانکۆی مۆنتانا دەڵێت: «ئافازیا جۆرێکە لە دزینی ناسنامە؛ تووشبووان لە ڕووی عەقڵییەوە هیچ کێشەیەکیان نییە و هەمان کەسی پێشوون، بەڵام ئاستی کارکردنی زمانەوانییان گۆڕاوە.»
تایبەتمەندییەکانی بەرنامەی ICAP لە زانکۆی مۆنتانا:
بەرنامەی گشتگیری چڕی ئافازیا (ICAP) بە هاوبەشی لەلایەن کاترین ئاف لە زانکۆی مۆنتانا بەڕێوە دەچێت، کە تێیدا بەشداربووان لە هەفتەیەکدا ٤ ڕۆژ و بۆ ماوەی ٤ هەفتە (کۆی گشتی ٨۰ کاتژمێر شیاندنەوه) ئامادە دەبن.
لەم بەرنامەیەدا، هەر نەخۆشێک لەگەڵ بەشداربووێکی ڕاهێنراو (کە بەگشتی خوێندکاری خوێندنی باڵای ئاخاوتن و زمانە) دەکرێتە هاوبەش بۆ پشتیوانیکردنی پەیوەندییەکان، لە کاتێکدا ئیکۆلۆژیستەکانی باڵندە بەرپرسن لە ئامادەکردنی ناواخنی ڕاهێنانەکان.
تیمی توێژینەوەکە (کە ئەنجامەکانیان لە گۆڤاری Frontiers in Bird Science بڵاوکردووەتەوە) ئاماژەیان بەوە کرد کە چوونە دەرەوە بۆ ژینگەی کراوە و تەماشاکردنی باڵندەکان، پەیوەندییەکان لە ئاستی دەق و ئاخاوتنی زارەکییەوە دەگوێزێتەوە بۆ ئاماژەدان، وێنەکێشان یان تەماشاکردنی وێنەکان، ئەمەش بارگرانی لەسەر نەخۆشەکە کەم دەکاتەوە.
زیادبوونی ئامارەکانی جەڵتەی مێشک و ئاسانکاری بۆ چارەسەر:
بەپێی خەمڵاندنەکان، ڕێژەی تووشبوون بە جەڵتەی مێشک لە ۲٥ ساڵی داهاتوودا ڕوو لە زیایدبوون دەکات؛ جەڵتەی مێشک سێیەم هۆکاری گیانلەدەستدان و پەککەوتنی گەورەساڵانە لە جیهاندا و مەترسیی تووشبوونی لە ۱۷ ساڵی ڕابردوودا بە ڕێژەی زیاتر لە ٥۰٪ زیادی کردووە.
ڤیکتۆریا دریتەرز، ئیکۆلۆژیستی باڵندە لە زانکۆکە ڕایگەیاند کە تەماشاکردنی باڵندەکان ڕێگەیەکی زۆر ئاسانە بۆ دەستپێکردن (لە تەماشاکردنی پەنجەرەی حەوشەی ماڵەوە تا دیاریکردنی ڕێگەی تایبەت)، ئەمەش دەستگەیشتن بە ڕاهێنانی توانبەخشین ئاسانتر دەکات، بەتایبەت لە کاتێکدا کە نادادپەروەری لە دەستگەیشتن بە خزمەتگوزارییە تەندروستییەکاندا هەیە.