ئەکتەری بەریتانی راسل براند لە تەمەنی 51 ساڵیدا لە دادگایەکی لەندەن ئامادە بوو بۆ دادگاییکردنی لەسەر تۆمەتەکانی دەستدرێژی سێکسی کە لەلایەن 6 ئافرەتەوە ئاراستەی کرابوون.
پێشبینی دەکرێت دادگاییکردنەکە بۆ ماوەی 10 هەفتە بەردەوام بێت و دادگا لەسەر بنەمای بەڵگەکان بڕیار بدات، لە کاتێکدا براند بەردەوام سەرجەم تۆمەتەکان ڕەتدەکاتەوە.
تۆمەتەکان بریتیین لە سێ تۆمەتی دەستدرێژی سێکسی و سێ تۆمەتی هێرشکردنە سەر لەگەڵ تۆمەتێکی ڕەفتاری نەشیاو.
براند لە ڕێوڕەسمی ئامادەبوونی لە دادگا بەرگی ڕەنگی شینی تۆخی پۆشیبوو و هاوسەرەکەی لەگەڵدا بوو. سەرەتا دادگا دەستی بە هەڵبژاردنی دەستەی سوێندخۆران کرد بۆ گوێگرتن لە وردەکارییەکانی دۆسییەکە لە هەفتەکانی داهاتوودا.
راسل براند دەستپێکی کارەکانی لە ڕێگەی پێشکەشکردنی بەرنامەی کۆمیدی دەستپێکرد و دواتر لە تەلەڤزیۆن لە بەرنامەی “Big Brother’s Big Mouth” بەناوبانگ بوو. پاشان ڕووی لە سینەمای هۆڵیوود کرد و لە فیلمەکانی “Forgetting Sarah Marshall” و “Get Him to the Greek” بەشداری کرد و تەنیا لەم ساڵانەی دواییدا ڕووی لە پێشکەشکردنی پۆدکاست کردووە.