شەپۆڵێکی بارانبارین و هەورەبرووسکە هەرێمی کوردستان دەگرێتەوە

بەرێوەبەرایەتی گشتی کەشناسی و بوومەلەرزەزانی هەرێم، پێشبینییەکانی کەشی ٤٨ کاتژمێری داهاتووی بڵاوکردەوە، کە تێیدا شەپۆلێکی بارانبارینی بەخوڕ و هەورەبرووسکە زۆربەی ناوچەکان دەگرێتەوە و پلەکانی گەرماش بە شێوەیەکی بەرچاو دادەبەزن.

کەشی پێشبینیکراوی ئەمڕۆ شەممە:
ئاسمان بە گشتی هەوری باراناوی دەبێت، نمەباران و بارانی مامناوەند لە زۆربەی ناوچەکان دەبارێت. لە دوای نیوەڕۆوە بارانەکە چڕتر دەبێتەوە و لە هەندێک شوێنی جیاجیا دەبێتە لێزمەباران و هەورەبرووسکە. بەهۆی ڕێژەی دابارینەوە، هۆشداری لە بەرزبوونەوەی ئاستی ئاو دەدرێت، بەتایبەت لەم ناوچانە:

با بە ئاراستەی باکووری خۆرهەڵات و بە خێرایی مامناوەند (١٥-٢٥ کم/ک) دەبێت و هەندێک کات چالاک دەبێت بۆ سەرووی ٣٠ کم/ک. مەودای بینین لە کاتی داباریندا بۆ ٥ تا ٧ کم کەم دەبێتەوە، پلەکانی گەرماش (٤-٥) پلە بەراورد بە دوێنێ نزمتر دەبنەوە.

کەشی پێشبینیکراوی سبەی یەکشەممە:
کارتێکەریی ئەم شەپۆلە بەردەوام دەبێت و ئاسمان بە تەواوی هەور دەبێت، نمەباران و بارانی مامناوەند بە شێوەی پچڕپچڕ تا کاتەکانی ئێوارە بەردەوام دەبێت. پاشان کەشەکە جێگیر دەبێت و ئاسمان دەگۆڕێت بۆ نیمچە هەور. با بە ئاراستەی باشووری خۆرئاوا دەبێت و خێراییەکەی لەسەرخۆ بۆ مامناوەند (١٠-٢٠ کم/ک) دەبێت، پلەکانی گەرماش کەمێک زیاتر نزم دەبنەوە.