سەرۆك مەسعود بارزانی پەیامێكی هاوخەمی و سەرەخۆشیی ئاراستەی هونەرمەندی دیاری كورد، برادەر موسیكی كرد، بەبۆنەی كۆچی دوایی (ئەردال)ـی كوڕییەوە.
لە پەیامەكەیدا، سەرۆك بارزانی وێڕای دەربڕینی خەم و پەژارەی خۆی، پرسە و سەرەخۆشیی خۆی ئاراستەی هونەرمەند برادەر موسیكی، خانەوادە و كەسوكاریان كرد و ڕایگەیاند کە خۆی بە هاوبەشی خەمیان دەزانێت.
هەروەها سەرۆك بارزانی لە خودای گەورە داواكار بوو ڕۆحی كۆچكردوو بە بەهەشتی بەرین شاد بكات و سەبر و ئارامیش بە باوك و كەسوكار و تەواوی خانەوادەكەی ببەخشێت.
ئه‌مه‌ش ده‌قی په‌یامه‌كه‌یه:
پەیامی هاوخەمیی سەرۆك بارزانی بۆ هونەرمەند برادەر موسیكی
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی (ئەردال)ـی كوڕی هونەرمەندی ئازیزی كورد (برادەر موسیكی)ـیم پێ گەییشت. پرسە و سەرەخۆشیی خۆم ئاراستەی هونەرمەند برادەر موسیكی و خانەوادە و كەسوكاریان دەكەم و خۆم بە هاوبەشی خەمیان دەزانم.
لە خودای گەورە داواكارم ڕۆحی خوالێخۆشبوو ئەردال بە بەهەشتی بەرین شاد بكات و سەبر و ئارامی بە باوكی و خانەوادەی ببەخشێت.
انا للە و انا الیە راجعون
مسعود بارزانی
8ی تشرینی دووەمی 2026