zagros news agency

عەباس عێراقچی : ئەمریکا رێرەوێکی دوور لە دانوستانی هەلبژاردووە

لە نێو ئەو چەقبەستووییەی کە لە ململانێی نێوان ئەمریکا و ئێراندا هەیە لەگەڵ ڕاگرتنی دانوستانەکان، عەباس عێراقچی، وەزیری دەرەوەی ئێران ڕایگەیاند، کە ویلایەتە یەکگرتووەکان خۆی ڕێڕەوێکی دوور لە دانوستانی هەڵبژاردووە.

عێراقچی لە لێدوانێکدا کە ئەمڕۆ دووشەممە لە میانەی کۆبوونەوەی ڕێکخراوی هاوکاریی ئابووری (ئیکۆ) لە ئیسلام ئاباد پێشکەشی کرد، وتی وڵاتەکەی “هەمیشە پابەند بووە بە بنەمای چارەسەرکردنی ئاشتییانەی ناکۆکییەکان، لەوانەش لە ڕێگەی ئامرازە دیپلۆماسییەکانەوە”.

بەڵام ئەمریکای تۆمەتبار کرد بە “هەڵبژاردنی ڕێڕەوێکی تەواو جیاواز، کە بە دەستدرێژی، هەڕەشە، تیرۆرکردن، فشارە ئابوورییەکان و گەمارۆدان ناسراوە”، ئەم کردەوانەشی بە پێشێلکارییەکی ئاشکرای یاسای نێودەوڵەتی و پەیماننامەی نەتەوە یەکگرتووەکان وەسف کرد. هەروەها “بەرپرسیارێتی ناسەقامگیری و نەبوونی ئاسایش لە کەنداوی عەرەبی و پێشهاتەکانی دەوروبەری گەرووی هورمزی خستە ئەستۆی ویلایەتە یەکگرتووەکان و ئیسرائیل”.

لە لایەکی دیکەوە، عێراقچی پێی وابوو کە “ناوچەکە تەنها پێویستی بە چوارچێوەیەکی ئەمنیی سەربەخۆ نییە، بەڵکو پێویستی بە میکانیزمێکی هەرێمیی جێی متمانە و بەردەوامیش هەیە لە بواری وزەدا، بە جۆرێک کە ڕێڕەوی گواستنەوەی وزە بپارێزێت، سەقامگیرییەکەی مسۆگەر بکات، خاڵە لاوازەکانی بەهۆی فاکتەرە دەرەکییەکانەوە کەم بکاتەوە و توانای بەکۆمەڵی بۆ ڕووبەڕووبوونەوەی شۆک و ئاڵۆزییە جیۆسیاسییەکان بەهێزتر بکات”.

ئەم لێدوانانە لە کاتێکدان کە هەڕەشەکانی ئێران بۆ سەر کەشتییە بارهەڵگرەکان لە گەرووی هورمز بەردەوامن، کە تێیدا سوپای پاسداران نزیکەی ڕۆژانە بەئامانجگرتنی کەشتییەکان ڕادەگەیەنێت، چ لە ڕێگەی مینی دەریایی چێنراو لە ڕێڕەوە ئاوییەکەدا بێت یان لە ڕێگەی هێرشەکانەوە.

هەروەها قسەکانی عێراقچی هاوکات بوو لەگەڵ دووپاتکردنەوەی پابەندبوونی بەرپرسانی ئێرانی بە ٧ مەرجەکە بۆ دانوستان لەگەڵ لایەنی ئەمریکی، کە دیارترینیان هەڵگرتنی گەمارۆی دەریایی لەسەر بەندەرەکانی ئێران، لابردنی بلۆک لەسەر پارە سڕکراوەکانی ئێران لە دەرەوە، سەرەڕای ڕاگرتنی سزاکان.

هەواڵی پەیوەندیدار

سەرۆك بارزانی پێشوازی لە شاندێكی هاوبەشی سێ پارتی باكوور دەكات

یاسین

ڕۆژی چوارشەمە ترامپ دەگاتە پەکین

گوران

کۆمیسیۆنی هەڵبژاردنەکان کۆمەڵێک رێوشوێن بۆ بەرەنگاربوونەوەی گوتاری توندڕەوان لە کاتی بانگەشه ئاماده دەکات

یاسین