zagros news agency

بەهۆی نزمەپاڵەپەستۆیەکی لاوازەوە ئەمشەو لەم ناوچانە نمەباران دەبارێت و سبەی پلەکانی گەرما بەرز دەبنەوە

 

بەپێی پێشبینییەکانی کەشناسی بۆ ڕۆژانی یەکشەممە (22-11-2026) و دووشەممە (23-11-2026)، ئەمشەو کاریگەریی لاوازی نزمەپاڵەپەستۆیەک ڕوو لە ناوچە سنووری و شاخاوییەکان دەکات و سبەینێش پلەکانی گەرما کەمێک بەرز دەبنەوە.

کەشوهەوای ئەمڕۆ یەکشەممە (22-11-2026):
ئەمڕۆ ئاسمان ساماڵ و پەڵەهەور دەبێت و لە دوای نیوەڕۆوە بۆ نیمچەهەور دەگۆڕێت. لە کاتەکانی شەودا بەهۆی کاریگەریی نزمەپاڵەپەستۆیەکی لاوازەوە، نمەبارانی پچڕپچڕ ناوچە سنووری و شاخاوییە بەرزەکان دەگرێتەوە؛ بەتایبەت ناوچە شاخاوییەکانی پارێزگای دهۆک، ئیدارەی سەربەخۆی زاخۆ و بەشێک لە ناوچە شاخاوییەکانی ئیدارەی سەربەخۆی سۆران تا درەنگانی شەو لە ژێر ئەو کاریگەرییەدا دەبن و لە بەرەبەیانی ڕۆژی دووشەممەدا کۆتایی دێت.

  • خێرایی با: لەسەرخۆ (5 – 10) کم/کاتژمێر.

  • ئاراستەی با: باکووری ڕۆژهەڵات.

  • مەودای بینین: لە نێوان (8 – 10) کم دەبێت.

  • پلەکانی گەرما: نزیک دەبنەوە لە پلەکانی دوێنێ.

کەشوهەوای سبەی دووشەممە (23-11-2026):
سبەی ئاسمان ساماڵ و پەڵەهەور دەبێت و هەندێک کات دەگۆڕێت بۆ نیمچەهەور، پلەکانی گەرماش بەراورد بە ئەمڕۆ کەمێک بەرز دەبنەوە.

  • خێرایی با: لەسەرخۆ (5 – 10) کم/کاتژمێر.

  • مەودای بینین: (8 – 10) کم دەبێت.

ئاماری بارانبارین:
لە ماوەی 24 کاتژمێری ڕابردوودا لە وێستگەکانی کەشناسیی سنووری پارێزگای دهۆک بڕێک باران باریوە، بە شێوەیەک لە دێرەلووک (2 ملم) و لە بامەڕنی (2 ملم) تۆمار کراوە.

بەرزترین پلەکانی گەرمای پێشبینیکراو (بە پلەی سیلیزی):

  • هەولێر: ئەمڕۆ 23 – سبەی 24

  • پیرمام: ئەمڕۆ 20 – سبەی 21

  • سلێمانی: ئەمڕۆ 21 – سبەی 22

  • هەڵەبجە: ئەمڕۆ 23 – سبەی 24

  • چەمچەماڵ: ئەمڕۆ 23 – سبەی 24

  • دهۆک: ئەمڕۆ 22 – سبەی 23

  • زاخۆ: ئەمڕۆ 23 – سبەی 23

  • ئاکرێ: ئەمڕۆ 22 – سبەی 24

  • گەرمیان: ئەمڕۆ 25 – سبەی 26

  • حاجی ئۆمەران: ئەمڕۆ 15 – سبەی 15

هەواڵی پەیوەندیدار

وەزیری دارایی ئیسرائیل دەست لەکار دەکێشێتەوە

یاسین

رێژەی زۆرترین باران بارین راگەیندرا

یاسین

پەیامێکی پیرۆزبایی لە بەشی ڕۆشنبیری و ڕاگەیاندنی پارتی دیموکراتی کوردستان

یاسین