zagros news agency

ماکۆلی کۆلکین لە بەشی نوێی “Home Alone” دەبێتە باوکێکی کەمتەرخەم

بیرۆکەیەکی نوێی ماکۆلی کۆلکین بووەتە هۆی دەستپێکردنی قۆناغی پەرەپێدانی بەشی نوێی زنجیرە فیلمی کۆمیدیی “Home Alone“، کە لەلایەن دیزنییەوە کاری لەسەر دەکرێت.

 

لەم بەشە نوێیەدا کە شەشەمین فیلمی زنجیرەکەیە، ماکۆلی کۆلکینی تەمەن 46 ساڵ دوای زیاتر لە سێ دەیە دەگەڕێتەوە بۆ رۆڵی “کیڤن مەکالیستەر”، بەڵام ئەمجارەیان وەک باوکێک کە بەهۆی سەرقاڵیی زۆرەوە کەمتەرخەمە بەرامبەر کوڕە بچووکەکەی، بۆیە کوڕەکەی دەرگاکانی ماڵەوە دادەخات و کیڤن ناچار دەبێت بۆ گەڕانەوەی متمانە، بەناو داو و تەڵەکانی ناو ماڵەکەدا تێپەڕێت.

 

سێس رۆگن و ئیڤان گۆڵدبێرگ کە پێشتر فیلمەکانی “Superbad“، “The Night Before” و “The Muppets“ـیان نووسیوە و بەرهەم هێناوە، گرێبەستیان واژۆ کردووە بۆ نووسینی سیناریۆ و بەرهەمهێنانی جێبەجێکارانە.

 

ئەم هەنگاوە لە کاتێکدایە کە دوای 36 ساڵ، فیلمی یەکەمی زنجیرەکە تەنیا ئێستا بە 177 ملیۆن خولەک سەیرکردن لە پلەی 9ـی لیستەکانی پەخشی دیجیتاڵیدا ماوەتەوە و بەردەوام بینەری نوێ بۆ خۆی رادەکێشێت.

هەواڵی پەیوەندیدار

فەرەنسا شەش کەسی بەتۆمەتی پیلانگێڕی بۆ هێرشکردنە سەر کەنیسەیەکی جووەکان دەستگیر كرد

سەڵاح

ئەڵمانیا ٦.٨ ملیۆن یۆرۆ هاوکاری پێشکەشی سندووقی مرۆییی ئەفغانستان دەکات

یاسین

هەولێر؛ کوڕێک دایکی خۆی دەکوژێت، پۆلیسیش ده‌ستگیری ده‌كات

سەڵاح