وەزارەتی پلاندانانی عێراق و نوێنەری حكوومەتی هەرێمی كوردستان، لەبارەی چۆنیەتی پێدانی ژمارەی كار(الرقم الوظيفي) بە فەرمانبەران كۆبوونەوە.
ئەمڕۆ سێشەممە 28ی ئایار، لە بەغدا، وەزارەتی پلاندانانی عێراق و نوێنەری حكوومەتی هەرێمی كوردستان، كۆبوونەوە و گفتوگۆ لەبارەی چۆنیەتی پێدانی ژمارەی كار (الرقم الوظيفي) بە فەرمانبەران هەرێمی كوردستان كراوە.
كۆبوونەوەكەی بەسەرپەرشتی بریكاری وەزارەتی پلاندانان بووە، ئەوە خراوەتە ڕوو، كە گفتوگۆییەكە بۆ شێوازی پێدانی ژمارەی كار بووە بە فەرمانبەرانی هەرێمی كوردستان لە بانكە باوڕپێكراوەكان لەلایەن بانكی ناوەندیی عێراقەوە.
بە گوێرەی راگەیەنراوی وەزارەتەكە، هەردوو لا رێككەوتن لەسەر ئەوەی بەردەوامی بە گفتوگۆییەكان بدەن، هەماهەنگی بۆ جێبەجێكردنی هەموو داواكارییەكان لە پێناو تەواوبوونی پێدانی ژمارەی كار بكەن.