ئەمەریکا هێرشەکانی سەر خواردنگە و کۆمپانیاکانی ئەمەریکا لە بەغدا سەرکۆنە دەکات و داوا لە حکوومەتی عێراق دەکات لێکۆڵینەوە لە رووداوەکە بکات.
ئەلینا رۆمانۆوسکی باڵیۆزی ئەمەریکا لە عێراق دەڵێت، هێرشەکانی ئەم دواییەی سەر کۆمپانیا و خواردنگە ئەمەریکی و نێودەوڵەتییەکان لە بەغدا سەرکۆنە دەکەن، داوا لە حکوومەتی عێراق دەکەین لێکۆڵینەوە بکات، بەرپرسیاران سزا بدات و رێگری لە هێرشی لەو شێوەیە بکات.
ئاماژەی بەوەشدا، ئەم هێرشانە سەرمایە و ژیانی عێراقییان دەخەنە مەترسییەوە و توانای عێراق بۆ راکێشانی وەبەرهێنەرە بیانییەکان لاواز دەکات.
رۆمانۆوسکی دووپاتیشیکردەوە، پابەندن بە هاوبەشیی 360 پلەیان لەگەڵ عێراق بۆ بنیاتنانی دەرفەتی ئابووری و خۆشگوزەرانی بۆ تەواوی عێراقییەکان.