ئەندامی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان رایگەیاند، کە هیچ بیانوێكی یاسایی و رۆتنینی نییە بۆ دواخستنی مووچەی پێشمەرگە و هێزە ئەمنییەكانی كوردستان، ئەوەی هەیە تەنها نیاز خراپی دەسەڵاتدارانی عێراقە بەرامبەر بە هەرێمی كوردستان.
سیپان شێروانی، ئەندامی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان، بە ئاژانسی ھەواڵی زاگرۆسی راگەیاند: بەبڕیاری دادگای فیدڕاڵی عێراق و لەم دوایانەشدا پەسەندكردنی بودجەی عێراق، موچەی فەرمانبەرانی هەرێمی كوردستان و پێشمەرگە و هێزە ئەمنییەكان گەرەنتی كراوە، هیچ بیانوێكی یاسایی و رۆتنینی نییە بۆ دواخستنی مووچەی پێشمەرگە و هێزە ئەمنییەكانی كوردستان، ئەوەی هەیە تەنها نیاز خراپی دەسەڵاتدارانی عێراقە بەرامبەر بە هەرێمی كوردستان .
هەروەها سیپان شێروانی، ئەندامی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان ئەوەشی بۆ ئاژانسی ھەواڵی زاگرۆس خستەروو، کە لەم چەند رۆژە پێویستە مووچەی مانگی نیسانی هێزە ئەمنییەكان و پێشمەرگە رەوانە بكرێت، لە هەمان كات، بەر لە جەژنی قوربان پێویستە مووچەی مانگی ٥ی فەرمانبەران و هێزە ئەمنییەكان دابەش بكرێت.
رێباز یونس